ПРАВІЛЫ
карыстання бібліятэкай
ДЗЯРЖАЎНАЙ УСТАНОВЫ АДУКАЦЫІ
«Тышкавіцкая сярэдняя школа»
1. Правілы карыстання бібліятэкай ДЗЯРЖАЎНАЙ УСТАНОВЫ АДУКАЦЫІ «Тышковіцкая сярэдняя школа» (далей - Правілы) распрацаваны ў адпаведнасці з Законам Рэспублікі Беларусь ад 22 сакавіка 1995 года "Аб бібліятэчнай справе ў Рэспубліцы Беларусь 2 Вярхоўнага Савета Рэспублікі Беларусь, 1995 г., нумар 20, артыкул 238; Нацыянальны рэестр прававых актаў Рэспублікі Беларусь, 2002 г., нумар 128, 2/896), актамі заканадаўства Рэспублікі Беларусь, міжнароднымі дагаворамі і на падставе Тыпавых правіл карыстання бібліятэкамі ў Рэспубліцы Беларусь, зацверджаных Пастановай Міністэрства культуры Рэспублікі Беларусь ад 5 жніўня 2008 г. № 28 (са змяненнямі і дапаўненнямі, унесенымі Пастановамі Міністэрства культуры Рэспублікі Беларусь ад 11 снежня 2008г №45 і ад 2 кастрычніка 2012 года №67)
2. Правілы рэгламентуюць узаемаадносіны карыстальнікаў і бібліятэкі ў працэсе бібліятэчнага, інфармацыйнага, даведачна-бібліяграфічнага і сацыякультурнага абслугоўвання.
3. Парадак карыстання бібліятэкай, яе фондамі, пералік асноўных паслуг і ўмовы іх прадастаўлення ўстанаўліваюцца ў адпаведнасці з заканадаўствам Рэспублікі Беларусь, Палажэннем аб бібліятэцы Дзяржаўнай установы адукацыі "Тышкавіцкая сярэдняя школа", і Правіламі карыстання бібліятэкай Дзяржаўнай установы адукацыі "Тышкавіцкая сярэдняя школа".
4. Права на карыстанне бібліятэкай Дзяржаўнай установы адукацыі “Тышкавіцкая сярэдняя школа” маюць навучэнцы, адміністрацыя, педагагічныя работнікі і іншыя супрацоўнікі школы, бацькі навучэнцаў школы.
5. Карыстальнікі бібліятэкі ў адпаведнасці з індывідуальнымі патрэбамі і інтарэсамі маюць права на свабоднае і бясплатнае атрыманне асноўных паслуг бібліятэкі.
6. Доступ да інфармацыйных рэсурсаў можа быць абмежаваны на аснове заканадаўства Рэспублікі Беларусь і ў адпаведнасці з дакументамі, якія рэгламентуюць дзейнасць бібліятэкі.
7. Карыстальнікі бібліятэкі маюць права:
7.1 наведваць бібліятэку ў адпаведнасці з рэжымам яе працы;
7.2. бясплатна атрымліваць поўную інфармацыю аб складзе фондаў і інфармацыйных рэсурсах бібліятэкі праз сістэму каталогаў, картатэк, баз даных і іншыя формы бібліятэчнага інфармавання;
7.3. бясплатна атрымліваць кансультацыйную дапамогу ў пошуку крыніц інфармацыі;
7.4. атрымліваць у часовае карыстанне дакументы з фондаў бібліятэкі для работы ў чытальнай зале або на абанемент;
7.5 на дом дакументы выдаюцца карыстальнікам тэрмінам на 15 дзён, колькасць экзэмпляраў, выдадзеных адначасова (не лічачы падручнікаў), не павінна перавышаць пяці экзэмпляраў.
Лік дакументаў з фонду, якія выдаюцца для працы з імі ў межах бібліятэкі, не абмяжоўваецца;
7.6. чарговая выдача дакументаў з фонду бібліятэкі карыстальніку робіцца толькі пасля вяртання ўзятых ім раней, тэрмін карыстання якімі скончыўся.
7.7. падаўжаць тэрмін карыстання дакументам пры ўмове яго прад'яўлення ў захаванасці і адсутнасці запытаў з боку іншых карыстальнікаў на гэты дакумент;
7.8. навучальная, метадычная літаратура, мастацкія творы для ўрокаў літаратуры выдаюцца карыстальнікам на тэрмін навучання ў адпаведнасці з праграмай.
7.9. рэдкія і каштоўныя кнігі, альбомы, энцыклапедыі, адзіныя экзэмпляры даведачных выданняў на дом не выдаюцца;
7.10. атрымліваць доступ да электронных інфармацыйных рэсурсаў у адпаведнасці з правіламі карыстання бібліятэкай;
7.11. удзельнічаць у мерапрыемствах, якія праводзяцца бібліятэкай для карыстальнікаў;
7.12. выкарыстоўваць у зонах абслугоўвання чытачоў тэхнічныя ўстройствы;7.13. карыстацца мабільнымі тэлефонамі па-за зонамі абслугоўвання чытачоў;
7.14. звяртацца да прадстаўнікоў бібліятэкі з прапановамі, заўвагамі, скаргамі па ўсіх пытаннях, якія датычацца абслугоўвання, набыцця і арганізацыі інфармацыйных рэсурсаў і паслуг.
8. Карыстальнікі бібліятэкі абавязаны:
8.1. выконваць правілы карыстання бібліятэкай і прытрымлівацца рэжыму працы бібліятэкі;
8.2. беражліва адносіцца да бібліятэчных фондаў. Пры атрыманні дакументаў з якімі-небудзь дэфектамі карыстальнік павінен паведаміць аб гэтым бібліятэкару;
8.3. вяртаць дакументы ва ўстаноўлены бібліятэкай тэрмін;
8.4. беражліва адносіцца да маёмасці бібліятэкі і абсталявання;
8.5. штогод у пачатку навучальнага года праходзіць перарэгістрацыю чытачоў. Карыстальнікі, якія не прайшлі перарэгістрацыю, бібліятэкай не
абслугоўваюцца;
8.6. захоўваць грамадскі парадак і чысціню ў памяшканнях бібліятэкі, паважаць правы іншых карыстальнікаў;
8.7. мець ахайны вонкавы выгляд;
8.8. у надзвычайных сітуацыях (пажар, аварыя, пагроза тэрарыстычнага акта і іншых) выконваць патрабаванні работнікаў бібліятэкі, органаў унутраных спраў, органаў і падраздзяленняў па надзвычайных сітуацыях.
9. Карыстачам бібліятэкі забараняецца:
9.1. уваходзіць у будынак бібліятэкі з жывёламі, на ролікавых каньках;
9.2. уносіць у бібліятэку любыя друкаваныя выданні, дакументы на электронных і іншых носьбітах, рэжучыя, колючыя прадметы;
9.3. выносіць дакументы з памяшкання бібліятэкі без запісу ў фармуляр чытача;
9.4. уносіць і выкарыстоўваць розныя капіявальныя прыборы (сканары, аўдыё-, фота- і відэаапаратуру);
9.5. выкарыстоўваць мабільны тэлефон у зонах абслугоўвання чытачоў, а таксама ў мэтах відэаздымкі і фатаграфавання дакументаў з фондаў бібліятэкі;
10. Для рэгістрацыі ў якасці карыстальніка бібліятэкай супрацоўнікі школы, бацькі павінны прад'явіць дакумент, які пацвярджае асобу. Навучэнцы школы запісваюцца ў бібліятэку ў індывідуальным парадку, у адпаведнасці са спісамі класаў. Карыстальнікі павінны паведаміць неабходныя звесткі для афармлення фармуляра чытача, азнаёміцца з зацверджанымі Правіламі карыстання бібліятэкай і пацвердзіць згоду на іх выкананне асабістым подпісам. Навучэнцы 1-4 класаў подпісы не ставяць.
11. Пры выбыцці са школы карыстальнік абавязаны вярнуць усе дакументы, якія лічацца за ім, у бібліятэку.
12. Рэгістрацыйныя формы (фармуляр чытача) афармляюцца ў ручным або аўтаматызаваным рэжыме работнікам бібліятэкі ў прысутнасці карыстальніка.
13. У выпадку страты, пашкоджання дакументаў з фондаў бібліятэкі карыстальнікі пакрываюць або замяняюць іх ідэнтычнымі, раўнацэннымі.
14. Карыстальнікі бібліятэкі, якія нанеслі шкоду маёмасці бібліятэкі (кампутары, аргтэхніка, мэбля, электраабсталяванне і іншая маёмасць), пакрываюць нанесеную шкоду ў адпаведнасці з заканадаўствам Рэспублікі Беларусь.
разгарнуць » / « згарнуць